Se non ten definido keyserver-options auto-key-retrieve no seu ficheiro gpg.conf e quere ler unha mensaxe asinada ou cifrada verá unha icona con un lápis na área da cabeceira con un símbolo de interrogación enriba, a liña de estado de Enigmail na cabeceira mostrará a mensaxe Parte da mensaxe asinada; prema na icona do lápis para máis detalles e a mensaxe no panel da mensaxe mostrará todos os bloques de sinaturas e indicadores de bloques de mensaxe OpenPGP.
Tamén pode ver isto se ten definido keyserver-options auto-key-retrieve no seu ficheiro gpg.conf e a chave OpenPGP non está dispoñíbel no seu sevidor de chaves.
Premendo na icona do lapis e símbolo de interrogación aparecerá unha ventá advertindo que a chave non está dispoñíbel no seu anel de chaves. Premendo en OK aparecerá outra ventá con unha lista de servidores de chaves dos cales pode seleccionar desde onde descargar a chave pública da persoa que lle enviou o correo.
Para configurar a lista de servidores de chaves que quere usar, vaia á pestana Enigmail -> Preferencias -> Básico e introduza os enderezos dos servidores de chaves na caixa Servidor(es) de chaves: separados por comas. O primeiro servidor da lista será o que se utilice como servidor de chaves predeterminado.
Pode consultar máis información na páxina web de axuda de Enigmail